Inihahanda na ng Bureau of Immigration (BI) na ideport ang dalawang foreign nationals na inaresto sa magkahiwalay na operasyon sa Pasig at Bulacan dahil sa paglabag sa immigration laws
 
Ayon kay BI intelligence division chief Fortunato Manahan Jr. naaresto si Benjamin Akomeah, 38, sa condominium building sa Pasig City noong Nobyembre 9.
 
Mayroon itong summary deportation order na inilabas ng BI board of commissioners dahil sa pagiging undesirable alien.
 
Nang inspeksyunin, nalaman na undocumented matapos mabigong magpakita ng pasaporte at anumang immigration document.
 
Naaresto rin ang 72 anyos na American national na si John Randall Wilson sa San Jose Del Monte Bulacan noong Nobyembre 14.
 
Nadiskubre na si Wilson ay overstaying sa bansa at walang naipakita na mga dokumento at lumabag sa Philippine Immigration Act of 1940.
 
Si Wilson ay sangkot sa pagpapakalat ng mga video ng mga kabataan sa social media at websites.