MAHARLIKA WEALTH FUND, 'DI LULUSOT SA SENADO

Published Dec 08, 2022 04:25 PM by: NET25 News | 📷: SENATE OF THE PHILIPPINES FB

Hindi lulusot sa Senado ang Maharlika Fund bill. Ito ang ginawang pagtitiyak ni Senate minority leader Senator Koko Pimentel kasabay nang pagsasabing ang isang ideya na palaging pabagu-bago, hindi pinag-isipan at minadali ay asahang mahihirapang makalusot sa Senado. Ito ay sa kabila nang pahayag ng Kamara na hindi na kukuha sa pondo ng GSIS at SSS para sa sinasabing sovereign wealth fund. Ayon sa senador, mahina ang isinusulong na Maharlika Wealth Fund hindi dahil sa kahinaan ng mga argumento nito kundi sadyang malakas lang ang mariing pagtutol sa panukala.