PBBM, PINAPABILISAN ANG PAG-UPGRADE SA AVIATION SAFETY SYSTEM

Published Jan 25, 2023 03:35 PM by: NET25 News | 📷: PRESIDENTIAL COMMUNICATIONS OFFICE FB

Inatasan ni Pangulong Ferdinand Marcos Jr. ang Department of Transportation (DOTr) na bilisan ang arrangement para sa maintenance provider na Sumitomo-Thales na magmo-modernize sa aviation safety system ng bansa. Sinabi ito ni Transportation Secretary Jaime Bautista sa press briefing sa Malakanyang nitong Martes. Ayon kay Bautista, nakipagpulong siya kay Pangulong Marcos upang magbigay ng mga update kaugnay sa nangyaring Ninoy Aquino International Airport (NAIA) systems glitch noong Enero 1. “The President is very much aware of what happened, and he supports our recommendation to implement future requirements necessary for the upgrade or improvement of the CNS/ATM (communications, navigation, and surveillance/air traffic management) system, which includes hardware and software maintenance, hardware replacement, ultimate fallback system for software redundancy and the need for an independent CNS/ATM in a separate location,” paliwanag ni Bautista. Sa isang panayam noong Lunes, sinabi ni Pangulong Marcos na walang plano ang kanyang administrasyon na ituloy ang pagsasapribado ng NAIA. “You cannot privatize an airport, to begin with. A private firm cannot own the airport,” giit ni Marcos.