ECONOMIC GROWTH NG PINAS, NANATILI SA 7.6 PERCENT NG Q3 NG 2022 -PSA

Published Jan 25, 2023 03:46 PM by: NET25 News | 📷: PHILIPPINE STATISTICS AUTHORITY FB

Nanatili sa 7.6 percent ang economic growth ng bansa sa ikatlong quarter ng taong 2022. Ayon sa ulat ng Philippine Statistics Authority (PSA), kapareho lamang ito sa naitalang economic growth noong nakaraang Nobyembre. Binanggit pa ng PSA, bagamat magkapareho lamang ang economic growth, kapansin-pansin na nagkaroon ng pagbabago lalo sa lahat ng industriya maliban sa public administration at defense pati na sa compulsory social activities. Pangunahing contributors sa economic growth ang real estate at ownership of dwellings na pumalo sa 3.6 percent mula sa dating 3.1 percent; financial and insurance activities na pumalo sa 7.9 percent mula sa dating 7.7 percent at manufacturing na umakyat sa 3.8 percent mula sa 3.6 percent. Sa buong 2022, inaasahang papalo sa 6.5 hanggang 7.5 percent ang full-year GDP growth ng bansa.