SRA ADMINISTRATOR ALBA, NAGBITIW SA PUWESTO

Published Mar 24, 2023 04:30 PM by: NET25 News | 📷: PRESIDENTIAL COMMUNICATIONS OFFICE FB

Nagbitiw na sa puwesto si Sugar Regulation Administration Administrator David John Thaddeus Alba. Ito ang kinumpirma ng Presidential Communications Office (PCO) na nagsabing bumisita si Alba kay Executive Secretary Lucas Bersamin noong nakaraang Martes at inihayag ang kanyang desisyon na magbitiw sa puwesto dahil sa kalusugan. Nakiusap pa umano si Bersamin kay Alba na huwag ituloy ang pagbibitiw sa puwesto subalit bigo ang kalihim. Magiging epektibo umano ang resignation ni Alba sa darating na Abril 15 para makapag handa naman sa itatalagang kapalit niya. “Upon the directive of the President, his resignation will be effective on April 15 to prepare the appointment of his replacement,” pahayag ng PCO.