Binansagan ni Department of National Defense (DND) Officer-in-Charge Sr. Undersecretary Jose Faustino Jr. na “game changer” ang mga bagong Autonomous Truck Mounted Howitzer System (ATMOS) 155mm self-propelled guns ng Philippine Army.
 
Ang pahayag ay ginawa ng kalihim sa isinagawang send-off kahapon ng 10th Field Artillery “Rolling Thunder” Battalion (155-SP), ang mother unit ng ATMOS self-propelled guns sa Philippine Army Grandstand, Fort Bonifacio.
 
Ayon kay Faustino, ang mga bagong kanyon ay magpapalakas sa Internal Security Operations ng Armed Forces of the Philippines (AFP) na maghahatid ng “decisive victory” kontra sa mga kalaban ng estado.
 
Dalawang battery na binubuo ng 8 ATMOS ang ipapadala sa mga “conflict areas” sa Mindanao.
 
Binilinan naman ni Phil. Army Chief Lt. Gen. Romeo Brawner Jr. ang mga tropa ng Rolling Thunder Battalion na patuloy na pahusayin ang kanilang kasanayan para epektibo ma-operate at mapangalagaan ang “game changer” weapon system ng Phil. Army.