Umakyat sa 50% o 13.2 milyon pamilyang Pilipino ang nangumpisal na kinokonsidera ang mga sarili na mahirap dahil sa nararanasan na mataas na bilihin sa fourth quarter ng 2024.

Mas mataas ito kumpara sa 11.3 milyon pamilya (43%) na naitala sa third quarter survey ng OCTA Research Tugon ng Masa.

Ang survey na isinagawa sa pamamagitan ng face-to-face interviews sa 1,200 respondents na may edad na 18 pataas mula November 10 hanggang 16, 2024 ay nagpahayag na 7% na puntos ang itinaas, kumakatawan sa 1.8 milyon karagdagang pamilya.

Mayroon itong ±3% margin of error sa 95% confidence level.

Ang subnational na ipinagpapalagay para sa geographic areas na sakop ng pag-aaral ay may sumusunod na margins of error na 95% confidence level: ±6% para sa Metro Manila, Balance Luzon, Visayas, at Mindanao.

Base sa survey, kinokonsidera ng mga tinanong na ang kanilang pamilya ay mahirap dahil ang 'median amount' na kailangan para sa home expenses ay hindi sapat para tugunan ang pang araw-araw na pangangailangan.

Nakasaad sa survey na upang hindi maikonsidera na mahirap ay kailangan ang P25,000 pesos na kita kada buwan sa isang pamilya.

“Additionally, families reported requiring a median of P8,000 more each month to escape poverty,” ayon sa survey.

Ang Self-rated poverty ang pinakamataas sa Mindanao na may 69%, sinundan ng Visayas sa 59%. Balance Luzon, 43%, habang ang National Capital Region (NCR) ay 30%.

Ang 69% self-rated poverty rate sa Mindanao ay mas mataas kumpara sa third quarter figure na 60%.

Tumaas sa 43% self-rated poverty ang naitala sa Balance Luzon kumpara sa 30% figure sa third quarter.

Bumaba sa 30% self-rated poverty ang nairekord sa Metro Manila kumpara sa third quarter figure na 35% habang hindi nagbago sa 59% self-poverty rate ang Visayas na pareho sa third quarter figures.

Nakasaad sa Tugon ng Masa poll na ang self-rated hunger ay tumaas sa fourth quarter ng 2024 sa 16% o estimated 4.2 milyon pamilya.

Ang pigura ay five-point increase mula sa third quarter figures na nakapagtala ng 11% self-rated hunger o estimated 2.9 milyon pamilya.