Kinumpirma ng Deparment of Trade and Industry (DTI) na kanilang pinayagan ang 63 produkto na magtaas ng presyo.

Ayon kay Dti Assistant Secretary Amanda Marie Nograles, ito ay mula sa kabuuang 273 products na matagal nang humihirit ng price hike

Kaya naman inaasahang magpapalabas na ng bagong Suggested Retail Prices (SRP) ang ahensiya ngayong buwan.

Kumpiyansa rin ang DTI official na maliit na porsiyento lamang o 63 items mula sa 217 shelf-keeping units ang tataas na presyo.

Ang SRP increase ay sanhi ng pagtaas ng raw materials at iba pang operation cost at maging ang epekto ng suspensyon ng pass through fees ng local government units sa pagbibiyahe ng mga produkto.

Nasa 6 percent lamang ang average price increase ng SKU, mas mababa aniya kumpara sa 10 percent average na srp hike noong 2022 at 2023.

Para sa food items, naglalaro aniya sa 25 sentimos hanggang P7 ang magiging dagdag presyo

kabilang sa mga produktong magtataas ng SRP ay mga de latang sardinas, processed milk, kape, tinapay, instant noodles, bottled water, processed canned meat, canned beef at condiments.

Kasama rin sa mga tataas ang mga toilet soap, kandila at battery.