Aabot sa 800 pribadong ospital ang maaaring hindi na payagang sumali sa YAKAP program ng Philippine Health Insurance Corporation (PhilHealth) kung hindi sila makapag-install ng electronic medical records (EMR) system bago ang Hunyo.

Ayon sa Private Hospitals Association of the Philippines Inc. (PHAPI), aabot sa halos ₱400,000 ang magagastos ng bawat ospital para sa pag-install ng EMR dahil kailangan umano nilang kumuha ng pribadong service provider.

Anila, dagdag pasanin ito sa mga ospital na nahaharap na sa mataas na operational costs at delayed reimbursements.

Binigyang-diin din ng PHAPI na ayon sa Universal Health Care Act (Republic Act No. 11223), dapat ang Department of Health at PhilHealth ang magbigay o magpondo ng health information systems nang walang dagdag na gastos sa mga health care provider.

: CLMMRH