ARA-mazing!

Sobrang humanga ang aktres at TV host na si Ara Mina sa laki at mala-palasyong bahay ng Team Kramer nang mag-house raid ito sa latest episode ng “Magandang ARAw.”

Nilibot si Ara ng pamilya Kramer na sina Doug, Cheska kasama ang mga anak nito na sina Kendra, Scarlet at Gavin sa buong bahay nito.

Hindi pinalampas ng TV host na makasakay sa elevator sa mansion at lalo siyang napa-wow nang makarating ito sa basement ng bahay na itinuturing nila Doug na ‘hangout place’ sa kanilang mansion.

ara kramer elev.jpg

High-tech at ‘voice operated’ ang basement na mayroon din playground at arcade para sa mga Kramer.

Kuwento ng Kramer, very useful ang kanilang ‘hangout place’ lalo noong pandemic dahil na-appreciate nila Kendra, Scarlet at Gavin ang kanilang indoor playground.

Humanga rin si Ara nang makita niya ang home theatre na favorite hangout place din ng pamilya. Anila mahilig silang manood ng movies.

kramer home theater.jpg

At since nasa House of Kramer na si Ara, hindi pinalampas ni Doug na ma-experience ng TV host ang special coffee ng Kramer. Ani Ara, dinaig pa ni Doug ang mga coffee shop.

ara coffee kramer.jpg

Kuwento ni Doug, during the pandemic, since nasa bahay nila ang kanilang mga relatives, nasa 15 cups of coffee ang lagi niyang ginagawa. Para maging mas efficient at mabilis, kaya siya nag-invest sa coffee maker machines.

“Before the pandemic, ako lang nagka-kape. But when we had family members coming over nagtitimpla ako for 15, 20 people,” kwento ni Doug.

Sinabi ni “Magandang ARAw” host na wala nang hahanapin pa sa bahay ng Team Kramer. Aniya lahat ng makikita at ma-e-experience sa labas ay nasa loob ng mansion ng Kramer.

“Lahat ng nasa labas, andito. May shop, may museum, playground, theatre..may gym at pool. Parang may resort na at ang view wonderful at amazing view!”

kramer at the pool.jpg

Mapapanood ang buong episode ng ‘Magandang ARAw’ with Team Kramer sa -

https://www.youtube.com/watch?v=GeOmWGrH6Dw