Isinailalim ang bayan ng Asuncion sa Davao del Norte sa state of calamity matapos ang mahigit 6,000 pamilya ang lumikas dahil sa baha.

Nagdulot ng malawakang pagbaha sa buong Davao del Norte bunsod ng mga pag-ulan na dala ng shear line na nakaapekto sa mahigit 16,000 pamilya.

Sa Tagum City, lumikas ang mga residente sa Laureta Elementary School sa Barangay San Miguel.

Bagama't hindi na umuulan sa Barangay Canocotan, patuloy na tumataas ang antas ng baha, kung saan ilang pamilya ang na-stranded sa kanilang mga bahay.

Samantala, binaha rin ang Purok 1 Guadalupe sa Carmen matapos umapaw ang tubig sa sapa.

May mga stranded din na indibidwal sa Compostela, Davao de Oro noong Martes ng gabi.

Mahirap ding dumaan sa mga kalsada ang mga ambulansya na may kargang mga pasyente, kaya inilipat sila sa isang truck ng 10th Infantry Division ng Philippine Army.

Sa Caraga, Davao Oriental, ilang lugar pa rin ang isolated matapos gumuho ang isang bahagi ng San Pedro Bridge.

Sa kasalukuyan, ang target ng local government unit ay magpatupad ng road rehabilitation para bigyang daan ang mga isolated sites, sabi ng ulat.