Binigyang-diin ng Bangko Sentral ng Pilipinas (BSP) na kailangang palakasin ng mga bangko ang kanilang security systems upang malabanan ang mga scam at iba pang banking threats.

“What we are saying is that we are encouraging the banks to go to a higher level of protection,” pahayag ni Elmore Capule, BSP deputy governor for corporate services sector.

“Our objective is to make our regulations future-proof,” ayon kay Capule kasabay ng pag-amin na mabilis ang pagbabago sa technological landscape.

“If you say that what we have right now is sufficient, then by next week or next year, it may no longer be,” dagdag na pahayag ng BSP deputy governor.

Sinang-ayunan ito ni Mamerto Tangonan, BSP deputy governor for payments and currency management.

Ayon kay Tangonan, ang one-time passwords (OTPs) ay magiging 'obsolete' sa kabila ng laganap na paggamit sa banking sector.

Iginiit ni Capule na ang security expectations ay dapat na nakabase sa "sophistication" ng bangko.

Dagdag pa ni Capule, habang ang rural at thrift banks ay maaaring i-maintain ang kanilang kasalukuyang security schemes, ang digital banks ay dapat na mag-install ng mas advanced na security systems.

Ang 'urgency' ng tuloy-tuloy na pag-upgrade ay depende aniya sa 'level of sophistication' ng bangko.

Samantala, pinagtibay ni Tangonan ang layunin ng BSP, unti-unting i-adopt ang mas "advanced methods that a transition period will accompany this shift."

"We are looking at the banks having more sophisticated [security systems],” pahayag ni Tangonan.