Tiniyak ngayon ni Surigao del Sur 2nd District Representative Johnny Pimentel na bubusisiin ng Commission on Appointments (CA) ang credentials ng bagong hepe ng Intelligence Service of the Armed Forces of the Philippines (ISAFP) at commander ng Presidential Security Group (PSG).

“The CA has already received the appointment papers of Army Major General Edmundo Peralta, the new ISAFP chief, and Air Force Major General Jesus Nelson Morales, the new PSG commander,” anunsyo ni Pimentel.

“They will be vetted by the CA’s committee on national defense chaired by Camiguin Representative Jurdin Jesus Romualdo,” pagsisiwalat ni Pimentel, miyembro ng 12-member House contingent sa makapangyarihan na CA body.

Ginawa ni Pimentel ang pahayag kasunod ng pagtutol ni National Security Adviser (NSA) Secretary Eduardo Año sa panawagan ni dating Presidente Rodrigo Duterte at dating House Speaker at ngayon ay Davao del Norte 1srt District Representative Pantaleon Alvarez na ihiwalay ang Mindanao sa Pilipinas.

Bukod kina Peralta at Morales, gigisahin din sa confirmation hearing sina Major Generals Leodevic Guinid, Army vice commander; Allan Hambala, commander ng Philippine Army 10th Infantry Division; at Ramon Zagala II, hepe ng AFP Civilian Relations Service.

Inamin ni Pimentel na nakalinya rin sa CA confirmation hearing ang promosyon ng 22 brigadier generals mula sa Army, Air Force, at Marines, 5 commodores, 174 colonels, at 11 naval captains (katumbas ng ranggo na colonel).

“All told, we now have a total of 217 senior military officers lined up for their CA confirmation hearings. We would encourage the public to send to the CA Secretariat any information, written report, or complaints or oppositions to the appointees,” paglalahad ni Pimentel.

Base sa Konstitusyon, binibigyan ng kapangyarihan ang 25-miyembro ng CA na eksaminin ang kakayahan, kalusugan at integridad ng key presidential appointees, kabilang na ang senior military officers mula sa ranggo na colonel, kung aprubahan at hindi tatanggapin ang appointment.

Ang CA ay binubuo tory30/ng 12 solon at 12 senador kung saan ang Senate president ang ex-officio presiding officer.