“Humbleness ng puso, secret to success.”

Sa kagaya ni Empoy o Julius Marquez sa totoong buhay, hindi naging madali na makuha ang tinatamasa niyang tagumpay.

Kuwento ng komedyanteng aktor na nakuha ang pangalan niya noong isang taong gulang siya nang malaglag siya sa duyan at iyak siya ng iyak. Hindi umano siya mapatahan ng kaniyang nakatatandang pinsan. Noong panahon na ito showing din ang pelikula ng child star na si Niño Muhlach na “Tahan na Empoy, Tahan.”

Ibinahagi rin ni Empoy sa programang “Korina Interviews” ang kaniyang mga pinagdaanan bago marating ang kasikatan.

Aniya, noong kabataan niya ay kinailangan na makitira silang pitong magkakapatid sa mga kamag-anak para mapag-aral sila at may makain. Nagtrabaho siya sa isang sikat na fast food chain. Pinagsasabay ang pag-aaral at paghahanap-buhay. Naging lightman din siya sa mga events gaya ng kasal at debut.

Nakuha niya ang pagiging komedyante noong napapanood niya ang mga palabas ng ‘King of Comedy’ na si Dolphy. Kwento ni Empoy, half day lang siya pumapasok sa school para makinood sa kapitbahay ng “Piling Piling Pelikula” ni Dolphy.

At noong nagkaroon na siya ng pagkakataon na makasabak sa telebisyon, nag-audition siya sa isang contest noon na “Mr. Suave.” Aniya, dalawang beses siyang hindi nakapasa sa auditon, ngunit sa ikatlong pagkakataon ginalingan na niya at dito siya nakapasok sa contest.

Sino ba naman mag-aakala na siya ang magiging grand winner at tatanghaling “Mr. Suave.”

Dahil dito, nagbukas na ang pinto ng mga opportunities sa kaniya. Naging side kick siya nila Vhong Navarro, Diether Ocampo, The Hunks at ni Coco Martin.

At noong 2017 dumating ang big break niya dahil sa pelikulang “Kita Kita”, kung saan siya ang leading man ni Alessandra de Rossi.

Empoy with Alessandra de Rossi.jpg

“Winning formula ay freedom..first time ko gumawa ng ganung project kaya super happu ako. Nung time na ‘yun parang naglalaro lang kami sa set,” kwento ni Empoy.

Talagang pumatok ang chemistry ni Alessandra de Rossi at Empoy, dahil aniya maraming dialogue sa pelikula na wala sa script.

Dahil sa naging mega hit ang pelikula nila ni de Rossi, nakapagpundar si Empoy ng isang café. Nakatulong din siya sa negosyo ng kaniyang mga kapatid.

Empoy with family.jpg

Nagkaroon na rin siya ng mga sponsors gaya ng kaniyang kotse.

Empoy with car.jpg

Sa tagumpay at kasikatan ni Empoy ay marami pa siyang gustong marating.

“Gusto ko rin sumubok ng iba – drama.”

“Humbleness ng puso, secret to success,” advise ni Empoy.

Mapapanood ang buong interview ni Empoy Marquez sa “Korina Interviews” sa NET25 Youtube Channel - https://www.youtube.com/watch?v=gXRRkkUtGEo