Hindi lang pang turismo, pwede rin sa transportation system.

Ito ang ambisyosong proyekto na nais gawin ni Department of Human Settlements and Urban Development (DHSUD) Secretary Jose Rizalino Acuzar sa makasaysayan na Pasig River.

Kumpiyansa si Acuzar, chairman ng Inter-Agency Council for the Pasig River Urban Development (IAC-PRUD), na magiging 'functional' ang ginagawang rehabilitasyon sa Pasig River dahil ang ang pangunahing layunin ng programa ay palakasin ang turismo at transportation connectivity sa Kalakhang Maynila.

“It is more than just a beautification project. We intend to implement functional development along the Pasig River that will promote tourism and transportation connectivity for the benefit of ordinary Filipinos,” pahayag ni Acuzar.

Ang pasilip sa magiging hitsura ng Pasig River ay ang isinagawang inagurasyon noong Enero 17 sa initial phase ng proyekto, kabilang na rito ang showcase area at pedestrian walkway sa likod ng iconic Manila Central Post Office.

Ang pagbuhay sa rehabilitasyon ay nasa ilalim ng Pasig Bigyang Buhay Muli (PBBM) at nakakuha ng commitment mula kay Pangulong Ferdinand Marcos Jr. at Unang Ginang Liza Araneta-Marcos.

Layunin ng proyekto na i-transform ang Pasig River bilang sentro ng turismo at economic activity, habang tumutulong na tugunan ang usapin sa trapiko sa mga lungsod sa tabi ng ilog sa pamamagitan ng paglikha ng tuloy-tuloy na koneksyon sa pagitan ng "road at water transport."

"The project is divided into nine sections traversing across several cities in the metropolis that intersect the river, from Manila Bay to Laguna de Bay. When completed, pedestrians and bikers can travel through the entire 25-kilometer stretch of the pathway with seamless connectivity,” paglalahad ni Acuzar.

"Commuters can also transition from surface roads to water transport through bridge-walks, which will be constructed at major points that will serve as pickup and drop-off points for the water ferries,” dagdag ng kalihim.

Ang buong proyekto ay inaasahang matatapos sa loob ng tatlo hanggang limang taon at popondohan sa pamamagitan ng pribadong donasyon.

Tiwala si Acuzar na kapag naisakatuparan ang proyekto, hindi malayo na matulad ang Pasig River sa mga kilalang waterways sa buong mundo gaya ng Thames River in London, Chao Phraya sa Bangkok, Thailand at Seine River sa Paris.

“Notable among these waterways, aside from being popular tourist attractions, are the commercial and mixed-use developments that surround it. That’s what we want to see around the Pasig River. We want to bring back its old glory and its place in history restored, but also breathe new life into it by bringing new and functional development around it,” ayon kay Acuzar.