Lalong lumala ang trapiko sa Metro Manila noong 2023, na nagresulta ng tinatayang 117 oras – halos limang araw – ang nawawala sa bawat Pilipino na sumusuong sa rush hour araw araw noong nakaraang taon.

Sa 2023 traffic index na inilabas ng Transportation Data Company na Tomtom Traffic, nakita na gumugugol ang mga drivers sa Metro Manila ng average ng 25 minuto at 30 segundo para baybayin ang sampung kilometro noong 2023, ang pinakababa sa 387 areas sa buong National Capital Region (NCR).

Mataas ito mula sa average na 24 minutes at 40 seconds na kailangan para bumiyahe ng sampung kilometro ang mga driver sa NCR noong 2022.

Mula sa pangalawa noong 2022, nakuha ng Metro Manila ang top spot sa Metro areas sa 2023 index, nilampasan nito ang Bogota sa Colombia, na kung saan ay bumaba ito sa panglima na may 23 minutes at 30 seconds.

Kasunod ng Metro Manila ang Lima sa Peru na may 24 minutes at 20 seconds, Bengaluru sa India na may 23 minutes at 50 seconds at Sapporo sa Japan na may 23 minutes at 30 seconds.

Ayon sa index, nakapag-save ng 47 na oras ang mga driver at commuter at nakapagpababa ng carbon dioxide emission.

Ang pinaka malalang araw at oras na biyahe sa Mertro Manila ay noong Biyernes mula alas-5 ng hapon hanggang alas-6 ng hapon na nakapagtala ng 35 minutes at 30 seconds.