Level up na talaga ang mga Pinoy.

Ikinabahala ng Presidential Anti-Organized Crime Commission (PAOCC) ang ulat na mga Pilipino na ang nagpapatakbo ng sarili nilang independent scam farms.

Sa isang panayam, sinabi ni PAOCC spokesperson Winston Casio na ang mga Pilipino ay mga dating manggagawa ng Philippine Offshore Gaming Operators (POGO) hubs na pinamamahalaan ng mga Chinese national.

Ayon kay Casio, napansin na nila ang trend na ito sa mga operasyon ng PAOCC sa mas maliliit na independent scam hubs.

Ang malaking bilang ng mga Pilipinong naaresto sa paglansag ng PAOCC sa mga scam farms ay nagresulta sa "legal quandary."

"Just imagine kabayan kung merong 400 na Pilipino na nakuha sa isang scam farm, paano mo naman made-develop ang kaso laban sa 400 Pilipino na ganito," sinabi ni Casio.

Dagdag pa niya, ang mga scam farms na pinatatakbo ng mga Pilipino ay pangunahing sangkot sa "online shopping scams."

"For example, you place an order, say a device, but you get a substandard product or a second-hand one. Worse, you don't get anything. Our authorities have already dismantled some scammers perpetrating these activities. Some even hold an online raffle. Most of these Filipinos are veterans or alumni of the POGOs that we have raided," paglalahad ni Casio.

"Due to lack of material time to be able to develop a credible case against most of these Filipinos, we let them go with a stern warning not to involve themselves again (in POGO operations) and that if we get them again, we'll do our best to charge them," dagdag pa niya.

Samantala, sinabi ni Casio na hinihintay na lang nila na lagdaan ni Pangulong Ferdinand Marcos Jr. ang draft executive order na nagbabawal sa lahat ng POGO sa bansa.

Saklaw nito ang 'investment promotion areas at special economic zones.'

"There is no exception, so to speak. So, every type of offshore gaming operations, every type of online gaming operation that caters to foreigners, that employs foreigners, the President will ban these," ayon kay Casio.