Arestado ng mga tauhan ng Philippine Nationa Police - Criminal Investigation and Detection Group (PNP-CIDG) ang self –proclaimed ‘crypto-currency king’ na nakapanloko ng daang-milyong piso mula sa kaniyang mga investor.

cypto king huli.jpg

Isinagawa ang operasyon noong Miyerkules ng madaling araw sa Paranaque City.

cypto king huli 2.jpg

crypto king huli 3.jpg

Kinilala ni PCol. Thomas Valmonte, Chief ng Legal Division ng PNP-CIDG ang suspek na si Vance Joshua Tamayo, 23, negosyante, residente ng Talaba Olympia, Makati City at ang umano’y secretary nito na si Gerome Viñas Laries.

Ayon kay Col. Valmonte, isa sa complainant ay nakapag-invest ng P50 milyon matapos pangakuan ng 4.5 percent monthly interest rate, ngunit hindi na raw ito nabayaran ng suspek.

Mahigit sa sampu pang complainants ang inaasahan ng PNP na lulutang.

Ang dalawang suspek ay kasalukuyang nasa kustodiya ng PNP-CIDG RFU NCR habang inihahanda ang mga dokumento sa pagsasampa ng kaso laban sa kanila.