NEWS UPDATES

SHOWS

2022 ELECTIONS

INTERNATIONAL

SPORTS

OPINION

POST TYPES

“Kada Umaga” aims to provide a new daily morning habit for Filipinos that will both impart entertainment, and latest news and information including trends on sports, business and tourism.

NET 25

KADA UMAGA

WORLDWIDE LINGAP SA MAMAMAYAN

UNLAD: Kaagapay Sa Hanapbuhay

HERO POST TYPES

NEWS PROGRAMS

ENTERTAINMENT

CURRENT AFFAIRS

RESPONDE & GAME AGAD AGAD

ASPN: Ano sa palagay nyo

TOP BANNER

TESTIMONIALS

Target ng lokal na pamahalaan ng Quezon City na mabakunahan ang 150,000 na indibidwal sa tatlong araw na vaccination drive kontra COVID-19.

Nakatakda ang National Vaccination Drive sa Nobyembre 29 hanggang Disyembre 3.

“It’s all systems go for Quezon City. We have tapped groups for additional medical workers and partnered with malls and establishments to have more sites. We want to maximize the three days allocated for this vaccination drive,” ayon kay Quezon City Mayor Joy Belmonte.

Ayon kay Belmonte, gagamitin nito ang suplay ng bakuna na mayroon ang lokal na pamahalaan habang hinihintay pa ang ibibigay ng national government.

"Good thing that we have procured this many vaccines for our QCitizens. While we wait for the supply provided for by the national government, we can use our own vaccines as booster shots,” ani Belmonte.

QC, TARGET MABAKUNAHAN ANG 150,00 INDIBIDWAL SA NATIONAL VACCINATION DRIVE

Nilinaw ng National Task Force Against COVID-19 na wala pang idineklarang travel ban laban sa Hong Kong matapos namang makapagtala ang naturang bansa ng dalawang kaso ng bagong variant na Omicron.

"The NTF wishes to clarify that the inclusion of Hong Kong Flights as part of inbound international flights temporarily suspended due to the emergence of the Omicron variant is not yet final," ayon sa NTF.

Dagdag ng NTF na bagamat may rekomendasyon na ang Department of Health (DOH) dapat hintayin na lamang ang magiging desisyon ng Inter-Agency Task Force (IATF).

"We await the formal announcement from the IATF following a final recommendation from the Technical Working Group on COVID-19 Variants and other agencies," ayon sa NTF.

Inaasahan namang maglalabas ng desisyon an IATF ngayong Linggo, ayon kay acting presidential spokesperson Karlo Nograles.

"Until a formal announcement from the IATF is made, HK flights will still be allowed. We apologise for any inconvenience an earlier pronouncement may have caused," aniya ng NTF.

NTF, NILINAW NA WALA PANG TRAVEL BAN SA HK

Mahigit 25,000 na Bicolano ang nakatanggap ng ayuda mula sa Department of Labor and Employment (DOLE).

Kabilang sa mga benepisyaryo ang mga informal sector workers, child laborers at kanilang mga magulang, kabataan, at overseas Filipino workers (OFWs) at kanilang pamilya sa awarding ceremonies na pinangunahan ni Labor Secretary Silvestre Bello III sa Camarines Sur at Legazpi City, Albay noong nakaraang linggo.

"Our DOLE assistance is encompassing. We have programs and services for the youth, the informal and formal sector workers, the OFWs, and even members of the LGBTQIA community and persons with disability. As President Duterte always reminds us, we have to give the people what is due them,” ayon kay Bello.

Sa ilalim ng flagship program na Tulong Panghanapbuhay sa Ating Disadvantaged/Displaced Workers (TUPAD), 25,325 informal sector workers sa rehiyon ang nabigyan ng emergency employment sa loob ng 10 araw at nakatanggap ng kanilang sweldo na nagkakahalaga ng P85,389,400. 

Binigyan ni Bello ng karagdagang limang araw na trabaho ang mga manggagawa sa ilalim ng TUPAD para itaas ang kanilang sweldo mula P3,100 hanggang P4,650.

Samantala, bilang bahagi ng pagdiriwang ng National Children's Month, 100 child laborers mula sa mga munisipalidad ng Sagñay at Tigaon sa Camarines Sur ang nabigyan ng grocery packs, hygiene kits, at educational materials.

MGA BICOLANO NAKATANGGAP NG AYUDA SA DOLE

INIREKOMENDA ni National Task Force Against COVID-19 adviser Dr. Ted Herbosa sa gobyerno na rebisahin ang green list countries na gitna ng Omicron variant na tinukoy na variant of concern ng World Health Organization. 

Ginawa ni Herbosa ang rekomendasyon matapos ang desisyon ng gobyerno na payagan ang mga dayuhang walang Visa na manatili sa bansa mula December 1 hanggang 15. 

Sinabi ni Herbosa na dapat bantayan ang reports ng mga ibang bansa at i-reclassify sila dahil maraming nasa green list countries na posibleng ibalik sa red list o yellow list. 

Nadetect na ang bagong variant ng COVID19 sa  South Africa, United Kingdom, Italy, Belgium, Botswana, Hong Kong, Italy, Germany at Israel. 

Inilagay ng gobyerno sa green list o low-risk sa COVID-19 transmission ang 44 na bansa. 

Gayunman, kamakailan ay inialis na ang South Africa, Namibia at Zimbabwe sa green list dahil sa naitalang  local cases o posibleng bagong variant. 

Iginiit ni Herbosa na dapat mailipat na sa yellow o red list ang Hong Kong dahil sa detection ng bagong variant.

GREEN LIST COUNTRIES, PINAREREBISA

(Photo courtesy of Philippine Navy)

Nagsagawa ng passage exercise ang Philippine Navy’s multi-capable frigate BRP Jose Rizal at iba pang  naval drills kasama ang  Pakistan Navy’s PNS Tughril sa  Matinloc Platform, El Nido, Palawan kamakailan.

Ayon sa Philippine Navy, ipinakita sa bilateral naval exercise na ito ang pangako ng Philippine Navy sa pagtataguyod ng kapayapaan, paggalang sa isa't isa, at katatagan sa buong Indo-Pacific region.

Ito rin anila ang  isang testamento ng pagpapaunlad ng kaligtasan at seguridad para sa bansang pandagat ng Pilipinas.

Iba't-ibang na naval exercise na rin ang naisagawa gaya ng semaphore exercise, flag hoisting exercise, at  simpleng maneuvers upang subukan ang parehong kakayahan ng mga barko sa paghawak ng barko at seamanship.

Pinarangalan ng Hukbong-dagat ng Pilipinas ang pinaka- advanced frigate ng Pakistan sa pamamagitan ng pagsasagawa ng man the rail—isang nakagawiang tradisyon sa mga hukbong pandagat upang magpakita ng mga karangalan—bilang bahagi ng  mabuting pakikipagtulungan at matatag na ugnayan ng dalawang bansa.

PHILIPPINE AT PAKISTANI NAVY, NAGSAGAWA NG PASSAGE EXERCISE

(Photo courtesy of SWS)

Nasa 21 porsyento lamang ng mga Pinoy ang nagsasabing hindi sila mahirap, ayon sa survey na isinagawa ng Social Weather Stations (SWS).

Samantalang 45 porsyento naman ang naniniwalang sila ay mahirap, at 34 porsyento naman ang nasa borderline poor.

Sa survey ng SWS noong Setyembre 12 hanggang 16, 2021, mas mababa ang mga nagsabing hindi sila mahirap noong Setyembre kumpara sa 23 porsiyento noong Hunyo 2021. 

Bumaba naman ang nagsabi na sila mahirap kumpara sa 48 porsyento noong Hunyo, bagamat tumaas ang mga nagsabi na nasa borderline poor na nasa 29 porsyento noong Hunyo.

Isinagawa ang survey sa 1,200 respondents sa buong bansa.

SWS: 21% PINOY LAMANG ANG NAGSASABING HINDI SILA MAHIRAP

(Photo Courtesy of NTF Against COVID-19/Twitter)

Sinabi ni National Task Force (NTF) Against COVID-19 medical consultant Dr. Ma. Paz Corrales na bakuna ang solusyon para bumalik ang ekonomiya at face-to-face classes sa bansa.

Sinabi ni Corrales na ang pagprotekta sa isa't isa ay ang pinakamagandang regalo na maibibigay ng Pilipino sa kapwa Pilipino.

“It’s the best way of spending a merrier Christmas and a happy New Year," ani Corrales kasabay ng pagdating ng AstraZeneca vaccine doses sa bansa.

"Dapat po magpabakuna na tayo para po maprotektahan tayong lahat kasi 'pag nagpabakuna tayo, lesser infection, lesser mortality, and lesser number of patients. Lahat po tayo makakabalik na sa ating normal," dagdag ni Corrales.

Kasama ni Corrales ang NTF special adviser Dr. Teodoro Herbosa, British Embassy deputy head of mission Alastair Walton Totty, NTF Director Francel Margareth Taborlupa, United Nations Children's Fund (UNICEF) immunization consultant Rein Dalumpines, UNICEF procurement services officer Bernardo Bersola, at AstraZeneca market access lead Raymond Villaroman.

BAKUNA SOLUSYON SA PAGBABALIK NG EKONOMIYA, F2F CLASSES

Ituturok din sa three-day national vaccination drive ang booster shot, ayon sa Department of Health (DOH).

"For those of you who are asking, yes, booster doses will also be provided for A1, A2, and A3 immunocompromised din po during the national vaccination days," ayon kay DOH Director Dr. Beverly Ho.

Binubuo ng mga health worker ang A1 habang ang A2 ay mga senior citizen. Para sa A3, tanging mga piling taong immunocompromised lamang ang maaaring tumanggap ng bakuna sa ngayon. 

Sa three-day vaccination drive, target ng gobyerno na mabakunahan ang siyam na milyong indibidwal, na mas mababa sa paunang layunin nito na 15 milyon. 

Itinakda rin sa Disyembre 15 hanggang 17 ang isa pang vaccination drive upang makamit ang layunin na mabakunahan ang 54 milyong Pilipino laban sa COVID-19 sa pagtatapos ng taon.

BOOSTER SHOT ITUTUROK DIN SA 3-DAY VACCINATION DRIVE

Suportado ng  Philippine Red Cross ang tatlong araw na National Vaccination Day ng gobyerno.

Katunayan, sinabi ni PRC Chairman at CEO Sen. Richard Gordon na target ng PRC na makapagturok ng 50,000 doses sa buong bansa sa tatlong magkasunod na araw ng National Vaccination day na gagawin simula November 29 hanggang Dec.1

"We will continue to be the government’s ally when it comes to vaccination since the Philippine Red Cross (PRC) has the manpower, the resources, and the commitment to help protect against this invisible enemy that is the COVID19 virus. Together, let us win our war against COVID-19,” ani  Gordon.

Ayon sa PRC Health Services, layunin  nito na makapagbigay ng 53,670 doses para sa mga nasa hustong gulang (magbibigay ng primary at booster shot), at mga menor de edad na 12-17 sa mahigit 47 PRC Chapters sa pamamagitan ng operasyon ng 17   Bakuna Centers na nagta-target ng 15,850,  target din na makapagbakuna ang 12   Bakuna Bus  ng 15,150, at 29 Bakuna Teams na may target na  22,670.

Magpapakalat din ng  600 volunteers sa buong bansa ang PRC   kasama ang mga doktor para sa screening  at monitoring at pangangasiwa, vaccinators, volunteers para sa registration, crowd control,  line management at miyembro ng  ambulance team .

Ginawa ang PRC Vaccination Program  sa pamamagitan ng suporta ng International Federation of Red Cross and Red Crescent Societies(IFRC), International Committee of the Red Cross(ICRC), Netherlands Red Cross, German Red Cross, mga corporate partners; katulad ng Procter & Gamble, at Coca Cola, at Bakuna Bus partners; Victory Liner, Ceres Bus, at UBE Express.

Kabilang sa mga  PRC Bakuna Centers para sa National Vaccination Day ay ang mga sumusunod.

National Headquarters - PLMC Bakuna Center
National Headquarters - EDSA Boni Bakuna Center
Pasay 
Manila
Quezon City
Port Area
Ilocos Norte
La Union
Pangasinan
Olongapo
Bataan
Tarlac
Cavite
Batangas
Negros Occidental-Bacolod
Zamboanga City

PRC Bakuna Buses in operation for National Vaccination Day:

North & Central Luzon
Cagayan
Rizal Province

South Luzon
Batangas
Cavite
Laguna
Quezon-Lucena

Visayas
Aklan
Iloilo
Negros Occidental-Bacolod
Cebu
Lapu-Lapu

NCR
Quezon City
Las Pinas

North & Central Luzon
Isabela
Apayao
Baguio City
Tarlac
Bulacan
Zambales

South Luzon
Laguna
Palawan

Visayas
Capiz
Bohol
Cebu
Bogo Branch

Mindanao
Davao City
Iligan
Davao Del Sur
Surigao Del Norte
General Santos - Sarangani
Misamis Oriental-CDO
Gingoog City
Agusan Del Norte - Butuan
Cotabato City
Bukidnon
Sultan Kudarat 
Lanao del Sur - Marawi
Basilan
Tawi-Tawi
Sulu

PRC SUPORTADO ANG NATIONAL VACCINATION DAY NG GOBYERNO

Pinayagan ng magbukas ng limited face-to-face classes ang 18 eskwelahan sa Cordillera bukas, November 29, 2021.

Ayon kay Department of Education-Cordillera Administrative Region (DepEd-CAR) director Estela Cariño, binigyan na ng go-signal ang  Dalit National High School in Pilar town at Mabungtot Elementary School sa Langiden, Abra; Japa Elementary School at Naguey Elementary School sa Atok, Benguet, at Asipulo National High School at Haliap Elementary School sa Ifugao.

Magbubukas din ang Liyang Elementary School sa Tanudan, Bonong Elementary School sa Balbalan at San Pablo Integrated School. Kabilang din ang Toppan Integrated School at Guilayon Elementary School sa Tabuk, Kalinga.

Sa Mountain Province, magbubukas ang Maket-an Elementary School, Dacudac Elementary School, Cagubatan Elementary School at Lubon Elementary School in Tadian town; Mamon Proper Elementary School sa Bauko, at Gonogon Elementary School at Dalican Elementary School sa Bontoc.

Sinabi ni Cariño na nakasunod ang mga eskwelahan health at safety protocol, kabilang ang fully vaccinated na teaching at non-teaching personnel, pagpayag ng mga magulang ng mga estudyante sa in-person classes at physical arrangement ng mga eskwelahan . 

Sinabi niya na ang mga lugar kung saan matatagpuan ang mga eskwelahan ay nasa low-risk area ng COVID-19.

Samantala, walang eskwelahan sa Apayao at lungsod nito ang pinayagang sumali sa face-to-face classes dahil high-risk ito sa COVID-19.

18 PUBLIC SCHOOLS SA CORDILLERA, PINAYAGANG MAGBUKAS NG F2F CLASSES

NASA 45 percent ng mga pamilyang Pilipino ang ikinukunsidera ang kanilang sarili na mahirap. 

Batay ito sa bagong Social Weather Stations (SWS) survey na isinagawa noong September. 

Ang datos ay mas mababa kumpara sa 48 percent noong Hunyo. 

Ang bagong survey ay isinagawa mula September 12 hanggang 16 sa 1,200 pamilya kung saan 34% ng mga pamilya ang ikinukunsidera ang kanilang sarili na borderline poor, habang 21% ang nagsabi na hindi sila mahirap. 

Batay pa sa survey, nasa 30% ng mga pamilya ang nagsabi na sila ay mahirap batay sa pagkain habang 26% ang nagsabi na hindi sila food poor, at 44% ang borderline food poor. 

Samantala, 6.9% of poor families ang kinokonsidera ang kanilang sarili bilang newly poor o naghirap sa loob ng isa hanggang apat na taon. 

Sa pagtaya ng SWS, nasa 11.4 milyon ang mahihirap na pamilya noong September, 1.7 milyon ang  newly poor, 1.2 milyon ang  usually poor, at 8.2 milyon ang palaging mahirap.

45 PERCENT NG MGA PINOY, KINOKONSIDERA ANG SARILI NA MAHIRAP

(Photo courtesy of Pampanga News Now)

PATAY ang isang kakandidatong konsehal nang tambangan ng hindi nakikilalang mga salarin ang kanyang sinasakyan sa San Simon, Pampanga, kahapon, Nobyembre 27.

Bukod kay Rogelio Salvador, Jr., 42-anyos, patay rin ang kasama nito sa sasakyan na si Jose Salvador, 44-anyos habang nakaligtas ang kanilang driver na si Arnel Caparas na nagtamo ng sugat sa katawan.

Sa report ni Pampanga Provincial Director P/Col. Robin Sarmiento naganap ang insidente alas-8:30 ng umaga sa Bambang Road.
Sakay ang mga biktima ng Chevrolet Trailblazer SUV (CDZ-5651) na minamaneho ni Caparas nang salubingin sila ng isang kotse lulan ang mga suspek.

Bigla na lamang pinagbabaril ng mga suspek ang sasakyan ng mga biktima.

Tinitingnan ng pulisya ang anggulo na pulitika na motibo sa krimen dahil wala namang kaaway ang mga biktima.

KANDIDATO SA PAGKA KONSEHAL INAMBUSH, 1 PA PATAY

WALO pang pulis ang gumaling sa COVID-19 subalit dalawa ang panibagong tinamaan, ayon sa Philippine National Police (PNP) Health Service.

Dahil sa nasabing bawas-dagdag na kaso ng coronavirus disease sa police force, mayroon na lamang 60 aktibong kaso nito na maituturing na pinakamababa sa organisasyon simula noong isang taon.

Hanggang ngayong araw, Nobyembre 28, pumalo na sa 42,006 ang bilang ng mga pulis na gumaling sa sakit habang ang naitalang kabuuang kaso ay 42,191.

Wala namang naitalang bagong nasawi sa police force kaya nananatili sa 125 ang bilang ng nasawi simula nang maitala ang first death noong Abril 2020.

Puspusan pa rin ang paalala ni PNP Chief, Gen. Dioanardo Carlos sa kanyang mga tauhan na mag-ingat pa rin laban sa sakit lalo na’t nananatili pa rin itong nakahahawa kahit pa halos buong puwersa nila ay bakunado na.

Sa kabuuang 225,803 na tauhan ng PNP, nasa 210,754 na ang fully vaccinated; 13,080 ang nakatanggap ng unang dose ng COVID-19 vaccines habang 396,888 ang lahat ng doses na naiturok sa police force.

Mayroon pang 1,969 pulis na hindi pa nababakunahan kung saan ang 859 ay may balidong dahilan gaya ng kanilang kondisyon habang 1,110 ang matatawag na hindi pa kumbinsidong magpabakuna.

8 PULIS PA, NAKAREKOBER SA COVID-19

BUMILIS ang mobile internet sa bansa nitong Oktubre, ayon sa Ookla Speedtest Global Index report kung saan nakapagtala ng average download speed na 38.12Mbps sa nasabing buwan kumpara sa 35.03Mbps noong Setyembre.

 Ang nasabing download speed ay kumakatawan sa 8.82% month-to-month improvement para sa mobile internet.

Katumbas ito ng improvement na 412.37% simula nang mag-umpisa ang Duterte administration noong July 2016.

Samantala bahagya namang bumaba ang fixed broadband speed sa bansa nang makapagtala ng 71.08Mbps noong Oktubre kumpara sa 71.85Mbps noong Setyembre.

Kumakatawan naman ang nasabing datos speed improvement na 798.61% mula nang mag-umpisa ang Duterte administration.

INTERNET CONNECTIVITY BUMILIS NOONG OKTUBRE

(Screenshot from the COVID-19 press conference - UK Prime Minister Twitter / @10DowningStreet)

DALAWANG kaso ng bagong uri ng COVID-19 ang nakumpirma sa Britanya.

Ang dalawang pasyente ay tinamaan ng Omicron o B.1.1.529 na strain ng coronavirus disease na nag-uugnay sa pagbiyahe mula sa South Africa at pagpapalawig ng travel restrictions sa nasabing rehiyon.

Makaraan ang 24 oras na genome sequencing, nakumpirma ng UK Health Security Agency ang dalawang kaso ng Omicron.

"After overnight genome sequencing, the UK Health Security Agency has confirmed that two cases of COVID-19 with mutations consistent with B.1.1.529 (Omicron) have been identified in the UK," anunsyo ng UK government at sinabing may kaugnayan ang dalawa sa pagbiyahe sa Africa.

Ang isang kaso ay natunton sa central English city ng Nottingham habang isa ay sa Chelmsford east ng London.

Kasunod nito, inilagay din ng UK sa red list ang apat na African countries na Malawi, Mozambique, Zambia at Angola, na epektibo ngayong Linggo, araw sa kanila.

Dahil sa pagkaka-detect ng Omicron, una nang ipinagbawal ng Britanya ang pagbiyahe sa South Africa, Namibia, Lesotho, Eswatini, Zimbabwe at Botswana.