Nakapagtala ang Council for the Welfare of Children (CWC) ng halos sa 9,000 kaso ng child abuse noong nakalipas na taon.

Ayon kay CWC executive director Undersecretary Angelo Tapales  na ang nasabing bilang ay buhat sa kabuuang ulat mula sa mga children protection units sa mga ospital at sa helpline ng CWC.

“Batay po sa datos na nakuha namin sa women and children protection unit na present po sa mga hospital natin sa buong Pilipinas, noong 2022 po, may 8,948 na kabataan ang naitalang naabuso,” dagdag  ni Tapales.

Binanggit pa nito na sa Makabata(Mahalin at Kalingain ating mga Bata ) Helpline mayroong naitala na 43 kaso ng pangaabuso na karamihan ay kinasasangkutan ng edad 15-17.

Nangyayari ang pang-aabuso sa tahanan, paaralan at komunidad, kabilang dito ang may kinalaman sa sekswal na pang-aabuso, pananakot, at mental health. 

Dahil dito, isinusulo na rin ng CWC ang batas na magbibigay ng suporta sa kalusugan at psychosocial sa mga bata.